عمان کے قریب ایک تجارتی جہاز پر ہوئےحملے کے بعد بھارتی ساحلی محافظ دستےاور عمان کے حکام کی مشترکہ کوششوں سے 24 بھارتی ملاحوں کو محفوظ مقام پر منتقل کیاگیا
بھارتی کوسٹ گارڈ کے میری ٹائم ریسکیو کوآرڈینیشن سینٹر (ایم آر سی سی) ممبئی کو 8 جون 2026 کو تقریباً 2 بج کر 20 پر اطلاع موصول ہوئی کہ پلاؤ کے جھنڈے والے آئل ٹینکر ایم ٹی میری ویکس پر میزائل حملہ ہوا ہے، جس میں 24 بھارتی عملے کے ارکان سوار تھے۔ یہ جہاز عمان کے ساحل کے قریب مسیرہ کے پاس لنگر انداز تھا۔اطلاع ملنے کے بعد ایم آر سی سی ممبئی نے عمان میری ٹائم سرچ اینڈ ریسکیو سینٹر (او ایم ایس سی) سے فوری رابطہ قائم کیا اور صورتحال کی نگرانی اور عملے کی حفاظت کو یقینی بنانے کے لیے قریبی رابطہ اور ہم آہنگی برقرار رکھی۔تقریباً 5 بجے شام میں عمانی حکام نے تصدیق کی کہ تمام 24 بھارتی عملے کو عمان نیوی کے ہیلی کاپٹروں کے ذریعے بحفاظت ریسکیو کر لیا گیا ہے۔ خوش قسمتی سے کسی قسم کے جانی نقصان یا زخمی ہونے کی اطلاع نہیں ملی۔جہاز اب بھی عمان کے مسیرہ کے قریب لنگر انداز ہے، جبکہ عملہ محفوظ مقام پر منتقل کر دیا گیا ہے۔یہ کامیاب ریسکیو آپریشن بین الاقوامی بحری تعاون اور اس شعبے میں سمندری بچاؤ افسران کے درمیان مضبوط تال میل کے اثرادار نظام کو اجاگر کرتا ہے۔ اس کے ساتھ ساتھ یہ بھارتی کوسٹ گارڈ کے اس عزم کو بھی نمایاں کرتا ہے کہ وہ بھارتی ملاحوں کی حفاظت اور بحری ہنگامی حالات میں بروقت امداد کی فراہمی کو یقینی بنانے کے لئے مسلسل سرگرم رہتے ہیں۔
Mohammad Shams Aghaz is an Urdu journalist and media professional based in Delhi with over a decade of experience across print, digital, and broadcast newsrooms. He holds an MA in Urdu from Jamia Millia Islamia and a Diploma in Journalism & Mass Communication. At StudioX News Urdu, he covers immigration, settlement, community life, and public-interest stories for Canada's Urdu-speaking diaspora.
